|
Akisuasoq Radio & TV
Akisuasoq
peqatigiiffittut tunngavilerneqarpoq 26. november 1996
isumassarsisuulluni
Pollas Lyberth.
Atissaanillu
unammisitsinermi ajugaasuusimalluni Andreas Nikolajsen.
Akisuasoq Radio nunatsinni lokalradioqarfinni anginersaasut
ilagaat, aallakaatitsisarlunilu alikkusersuinernik,
nipilersukkanik, oqaluttuartunik
Allarpassuarnillu ilaqutariinnut tamanullu naleqquttunik.
Pitsaassuseq pingaartitaraarput, nuannaarneq, nipigissuseq, kalaallillu
Kulturiata ingerlateqqinnissaa.
Akisuasoq Radio-p aamma aallakaatittarpai:
”Kissaateqartarfik, ”Timersornermit, toqqaannartut nutaarsiassallu”,
”Toqqaannartumik radiokkut Pilluaqqusinerit”, ”Aliikkutaqarfik”
Nipilersukkat nutaat nutaanngitsullu aammalu Radiobingo.
Akisuasup tusarnaartartui tassaanerupput angutit arnallu 20-it 70-illu
akornanni ukiullit, taakkuupput Maniitsup Kommunerisimasaani 72 %-inik
inuttussuseqartitsisut.
Akisuasoq tassaavoq suliffeqarfik/peqatigiiffik imminut pigisoq/ingerlattoq
1270-it missaanni amerlassusilinnik ilaasortaqartoq, maannamullu ukiut
aqqaneq-marluk ingerlasimalereerluni.
Peqatigiiffik aallartinneqaqqaarpoq 26. november 1996, pisortatigoortumillu
aallakaatitseqqaarluni 1. marts 1997, maannalu illoqarfik nunaqarfiillu tamaasa
aallakaatitsiffigalugit, allartinnermiilli sulisut tunniusimalluinnartut
sulisorineqarput.
Akisuasoq tassaavoq assigiinngitsunut aaqqissuussisarnernut aallarniisuusartoq.
Ulluinnarni Akisuasup tusarnaartorisinnaavai 3.518-it.
Ataasinngornermiit
tallimanngornermut
Nal.
08:30 - 12:00 aammalu 13:00 - 16:30
|
